舉手過檔

經過超過一年的停工期，
整個世界都變了很多，
航空公司的工作都跟從前很不同，
不同國家的防疫要求都不同，
而且無時無刻都改變著，
公司要不停的配合政策轉變，
同事們都辛苦得叫救命。

另一邊廂，客運需求疲弱，
一眾777客機機師都在家中齋坐，
一直無工開，當然心驚驚，
有些人可能說：「喂，你哋唔開工都有糧出喎，唔好咩？」
哎呀，你咪鬼玩啦，
唔救火的消防員有乜用？
唔煮食的廚師要來做乜？
唔飛的機師是什麼？
公司有什麼風吹草吹要減人，
第一個一定踢走這些有糧出無嘢做的人，
再者講到飛，是機師的天職，
只有在空中，機師們才感覺到真正的充實，
（最少我自己是這樣想）

在貨運方面，疫情中需求還不少，
没有跌得太利害，而且現在還慢慢增加中，
所以公司都差不多靠著貨運去吊住條命，
貨機機師們都飛過不停，
有很多貨機機師都已經年半没有放過大假，
長時間無法見到家人（公司很多外籍機師嘛），
疫情中工作有著很大很大的壓力，
不停的肺炎測試、隔離、醫學監察、零晨又去飛、外地隔離、不可出街、再測試、只可外賣食物、又隔離、飛十幾日先返香港、又測試、要等指定的士才可回家、一等又幾個小時、又醫學監察、又測試、身體有問題不可去醫院（十四日內離港嘛）、又去飛、去Mexico City考驗你high elevation airport 的降落技巧、去Anchorage考驗滿天飛雪加windshear的operation、又隔離、繼續測試，講通宵都講不完的壓力。

巴士機隊就相對穏定，雖然飛行時數上還可以，
但同事們疫情中工作都一樣辛苦，
由於巴士飛機的營運成本比較平，
所以市況低迷的時候，公司盡量將主要的運力都轉去巴士，
而大部份的777就泊在大沙漠，香港無位又潮濕嘛~

由於之前有裁減機師、又關閉外站、又有自願離職，
突然間貨機機隊非常等人用，公司問機師們，
誰想轉去飛貨機就舉手，

史丹晨七咁早就舉咗手啦，一直都無消息，
跟著到龍仔航空摺埋，
公司接收了很多架巴士321neo，
都很需要機師們舉手過檔，
史丹都有舉手，但都係無消息。
同事們議論紛紛想不想轉fleet，
有些人想去747貨機，因為一定有工開，
收入上會比其他的機隊好一點，
而想去巴士321細機的人，
就覺得有個321 rating，全世界搵工都易好多，
因為絶大部份的航空公司都用巴士，
有這個rating，機師們的牌照都特別值錢，
另外就有些人打死都不想轉，
都就快退休，還搞什麼conversion course那麼辛苦，
不如安坐家中休息休息好過。

貨機需要更多機師，
最後舉手的數目，滿足不到需要的人手，
結果就很簡單，
公司命令你去飛貨機，
This is an order，
無得say no，
被命令的人當然不太高興，
因為不是自願去轉，
但大家都心知你只有兩個選擇，
一係做，一係唔做，講完。

而史丹的preference 呢？
求鬼其啦！有得飛史丹已經很開心喇。

不過一直等，
等等等，等極都無聲氣，
史丹都有點氣餒，
個心放低了，不想再想太多，
差點忘記了再追問這件事。

突然有天收到電郵，
話下個月史丹就要上747貨機的ground school，
噢！都好吖，
雖然聽講貨機的更表真的很爛，
但起碼疫情中必定有工開，
而且，史丹初入行時是飛747客機機隊，
當時是second officer不能做起飛降落，
心中總有一點遺憾，
今次能再以隊長的身份踏上queen of the skies，
有一種今生無憾的感覺，都唔錯~